Lactiplantibacillus plantarum

Lactiplantibacillus plantarum (lehen, Lactobacillus plantarum deitua) bakterio Gram positiboa da, Lactobacillaceae familiakoa, hartzidura laktikoa burutzen duena eta bakterio laktikoen taldean sailkatzen dena. Sauerkrauten eta beste landare hartzituen sortze prozesuan parte hartzen du, janari-industrian garrantzi handiko bakterioa izanik. Aho-florako partaidea da, txistutik isolatu baita.

Hain zuzen ere, ahoan eta gorputzean mikrobio honek eragiten dituen alderdi onuragarriak direla eta probiotiko moduan erabiltzen da usu ^{[1] [2]}. Era berean, heste-florako partaidea ere bada.

Mikrobio honen beste ezaugarri batzuk:

• bazilo Gram positiboa da
• hartzidura laktiko homolaktikoa burutzen du
• anaerobio fakultatiboa eta mikroaerofiloa da
• siloratze prozesuan ere funtsezko zeregina burutzen du
• mesofiloa (12ºC-40ºC artean hazten da)